السلام عليكم و رحمة الله تعالى و بركاته

أعزائي و أحبابي, ده أول موضوع أكتبة في التراكر و هو عبارة عن إعتقادي إنه في خطأ شائع بيستعمل في إسم التورنت فرجاءً محدش يفكر إني بحاول أبين ذكائي أو أي شيئ من هذا القبيل لأني كما ذكرت , ده هو رأيي و لو أنا غلطان ياريت تصصحوني و تفهموني أكتر.

كتير بنلاحظ و خصوصاً في الأفلام العربية لما بيتم رفعها قبل من تنزل رسمياً إنه بيتم كتابة سكرينر أو نير ديفيدي أو الأتنين مع بعض في إسم التورنت.
أنا في رأيي إن هذا الشيئ هو خطأ تماماً لأن مفيش في العالم العربي حاجة إسمها سكرينر الي هي بتعتبر نير ديفيدي أو قريبة من الديفيدي.

نسخة السكرينر هي نسخة فيلم أصلية مصورة بكاميرات باهضة الثمن بطريقة أنالوجية أي غير رقمية و عادةً النسخة دي بيتم صنعها و إرسالها إلى النقاد أو الكريتيك لينتقدوا الفيلم, علشان كدة بيكون دايماً عليها السطر الي بيقول إن النسخة دي هي نسخة خاصة بي بارامونت مثلاً و يحظر حتى تسليفها لشخص آخر!!
و لهذا السبب أيضاً الفيلم قبل ماينزل حتى في السينيما بيكونوا النقاد كتبوا رأيهم في المجلات المتخصصة و غيرها لإنهم شافو الفيلم بالطريقة دي.

في العالم العربي حسب ما أعرف و الله أعلم, بيتم دعوة النقاد و الناس المتخصصة في مجال الفن و الأفلام إلى حاجة زي مسرح مغلق و بيتم عرض الفيلم عليهم بالطريقة دي, يعني ما بيعملوش أو ما بينتجوش نسخة مخصوصة ليهم, و السبب بسيط في رأيي و هو إن عدد النقاد الي في العالم العربي كلهم م يجوش 10 % من عدد النقاد في أمريكا فقط و طبعاً ما ينفعش ينادوهم كلهم في جلسة مغلقة علشان يشوفوا الفيلم و ينتقدوه و خصوصاً إن أمريكا كبيرة جداً في المساحة وعدد النقاد في أمريكا فقط يتجاوز العشرين ألف ناقد و مش كل واحد فاضي يجيلهم في الوقت الي عايزينه يجي فيه.
و لذالك أعتقد أن الأسم المفروض يكون للأفلام دي هو كـــــــــام فقط يعني تصوير سينيمائي إما جيد أو جيد جداً أو ممتاز .
أو ممكن كام هاي كوالتي و حتى كلمه TS, TC
يعتبر غلط إستخدامها لأن التصوير تم بكاميرة فيديو عادية أما تي إس أو تي سي فدي كاميرات محترفة بتكون ليها ركائز توقف عليها و الأوديو بيكون خارجي في معظم الأوقات و زي ما إنتوا عارفين إن الأجانب و الحق يقال, بيعملوا أو بيصورو كام رهيب جداً و بعد تصويرة بيشيلوا الضوضاء من الصوت و يقصوا أي حاجة من الصورة ملهاش لازمه و الألوان بيتم تصفيتها و تنقيص الحموريه و غيرة و غيرة و غيرة و مع ذالك عمرهم ما بيكتبوا إن الفيلم ده سكرينر أو نير ديفيدي لأنه النسخة هي عبارة عن تصوير سينيمائي مهما كانت الجودة كويسة.

أرجوا إني ما أكونش زعلت أي حد بكلامي ده لأن ده عبارة عن نظري الشخصي و الله أعلم و شكراً

يا حبيبي يا ياسر, دايماً ناصرني . ربنا يخليك ليه