You are Unregistered, please
Recover Password: via Email | via Question
Forum Home
Contact Staff
Payment
|
Post: #1
|
|||
ahmeddodo  Joined: 07-10-2014 Posts: 2,360 Country:   
|
مطلوب زعيم؟!! بخيت بيومى.مطلوب زعيم؟!!مطلوب زعيم يكون سياسي
بعقل واعي ودبلوماسي حمّال هموم حمّال مآسي ينقذ وطن م البهدلة..!! ومن الفتن ومن الغلا..!! ويطلعوا من معمعة..!! مطلوب زعيم يكون شجاع ينقذ وطن وشعب جاع وطن علي وشك الضياع بيعاني من كتر الفلس..!! وخلاص حيقطع النفس..!! ومؤسساته مخلعة..!! مطلوب زعيم يكون حكيم ينقذ وطن ياما اتسرق وطن علي وشك الغرق..! منهوب ولسة بيتنهب مع انه شعب من دهب بريء ودمه بيتحرق حيموت فطيص محتاج رئيس يطلعوا من مضيعة..! مطلوب زعيم ميكنش غول ويكون بيفهم في الأصول والأمن طبعا والأمان ويكون مالوش رئيس ديوان تمساح وراه شلة حيتان وعصابة لابسين أقنعة..!! مطلوب زعيم يكون جدع حاسس بنبض المجتمع وصعب جدا يتخدع مش لما نبقي بنجوع ونشقي وكل يوم واقعين في زنقة ولو يشوفنا قايمين بثورة ضد المهانة والجشع وانحلال والمرقعة يخلع وسبها مولعة..! مطلوب زعيم يكون بسيط لا غاوي سُلطة وجاه وسيط ويشترط لا يكون لبط ولا ثوريجي أو مفتري لا يحب جمع المليارات وميكنش طبعا فنجري يموت في أكل الاستاكوزا ويتعشي محشي وجمبري وحمام برام ومسقعة..! وموز ومنجة كام قفص وباب عليه طقمين حرس ولمبة حمرة ملعلعة..! مطلوب زعيم يكون كريم لسانه حتة سكرة زعيم لا غاوي منظرة ولا عمولة ولا سمسرة ولا وزير للفرفشة ولا مدام متغندرة تعمل حكومته قنطرة وسيده بالشكل ده..! لازم تجيبه كمان ورا..! وتوصله لليمان طرة..! علي ايدها يلقي مصرعه..! مطلوب زعيم ويشترط مالوش سوابق في الغلط يحمي الحقوق ومفيش فروق بين مسلمين وبين قبط والناس وراه متجمعة..! ويكون رئيس واعي حريص ومالوش وريث يوصل لسجن المزرعة..! مطلوب زعيم يا أهل البلد حيبقي حاكم ع البلد لو يستحق مقولش لأ وبشرط قبل ما يعتمد الرئاسة مش وراثة ولا كرسي دايم بالحراسة وملك واحد للأبد الرئاسة بالمداولة بالانتخاب في أي دولة مش مقاولة وجعجعة..! مطلوب زعيم يكون أصيل مالوش مثيل ومش عميل للأمريكان أو إسرائيل وإن راح كده واللاّ كده حارساه كتيبة مدرعة..! مطلوب زعيم بضمير سليم يحمي الوطن م الفاسدين يقف في صف المخلصين المظلومين المحرومين ميكنش صاحب منفعة..! قاعد بعيد مبسوط سعيد في برج عاجي وصومعة..! مطلوب زعيم يكون عظيم يأدي فرض ربنا من طنطا واللاّ من قنا حنشيله جوه قلبنا وكلنا حنكون معه..! عمره يدوب خمسين سنة سنانه مش متخلعة..! مطلوب زعيم ومش لئيم ويكون صريح ومستقيم يخاف علي شرف البلد والعجوزة والعجوز واللي لسه حيتولد وزعيم تمام مطلوب قوام علشان يرد الاعتبار ويكون كمان صاحب قرار ضد الروتين والكلكعة..! مطلوب زعيم عارف الطريق ينقذ بريء ينقذ غريق ميكنش حاكم إمّعة..! زعيم لشعبه أخ وصديق والناس تحبه ميكونش شيء محتاج لجام وبردعة..! |
||
|
|
|||
|
|||
24-11-2015 11:41
|
Post: #2
|
|
Guest Joined: Today Posts: 0 Country:   
|
مطلوب زعيم؟!! بخيت بيومى. |
|
|
|
|
Post: #3
|
|
AhmedBasha  Joined: 28-07-2010 Posts: 79 Country:
|
مطلوب زعيم؟!! بخيت بيومى.  |
|
|
|
|
Post: #4
|
|
|
Hybird GenralModrator  Joined: 03-05-2014 Posts: 55 Country:
|
مطلوب زعيم؟!! بخيت بيومى. |
|
|
|
 Bookmarks |
||||
|
«
Previous Thread
|
Next Thread
»
|
|