You are Unregistered, please
Recover Password: via Email | via Question
Forum Home
Contact Staff
Payment
|
Post: #1
|
||
Guest  Joined: Today Posts: 0 Country:    
|
HTMLالدرس الاول من لغة  معادنا انهاردة مع لغة الاتش تى ام ال وطبعا احنا كلنا عارفين ان لغة الالتش تى ام ال هى لغة البنية الاساسية لصفحات الانترنت وهى اختصار لكلمة Hyper Text Markup Language طبعا كلنا قرانا تاريخ الاتش تى ام ال عرفنا ظهورة وبداياتة واكيد السؤال اللى بيبدر فى ذهنك اشمعنى الاكواد دية لحد دلوقتى طيب و يعنى اية برضو البنية الاساسية؟ البنية الاساسية معنها انى مفيش موقع على الانترنت سواء كان باى لغة من لغات البرمجة او سواء كان ستاتيك او ديناميك الا ولازم يكون بلغة الاتش تى ام ال حتقولى اومال اية البرمجة حقولك دة حنفسرها دلوقتى تمام لازم الاتش تى ام ال تكون موجودة لية برضو انا لسا مش فاهم انا حقولك يا سيدى لان لغة الاتش تى ام ال دة هى اللغة اللى بتعرف الانترنت ان دية صفحة ويب او دة موقع على النت مش برنامج مرفوع او ملف حيتحمل فلازم تكون موجودة علشان تعرف ان دة موقع طيب مين الى بيعرف حيقولك السيرفر او المستضيف اللى حضرتك بترفع علية ملفات موقعك هو بيترجم الاكواد اللى احنا حنتعرف عليها بعد شوية ويفهم ان دية صفحة انترنت وان هى للنشر على الانترنت بمعنى ان اى حد يجى يقولة انا عاوز الصفحة دية يقولة اتفضل الصفحة اهية جميل لحد كدة طيب نقدر نقول على الموضوح دة ان هناك وسيط بين السيرفر والانترنت والوسيط هنا علشان يقدر يحول اللغة من اكواد اتش تى ام ال الى صفحة تشاهدها على النت وياريت تركز معايا هنا لاننا حنذكر موضوع الوسيط دة كتير قوى فى شغلنا طوال الكورس الوسيط موجود على سيرفر اللى حضرتك رافع علية وبعدين حوريهولك واقولك بيشتغل ازاى طيب الوسيط ترجم الصفحو والموقع اتعمل اية بقى الفرق بين موقع ستاتيك ؟ او ديناميك؟ اوعى تقولى الاتش تى ام ال لا الاتنين فيهم اللغة قلنا علشان هى الاساس اللى بنرفع علية العمارة طيب الفرق يكمن ان الاستاتيك سايت سايت معمول بلغة الاتش تى ام ال بس ليس مضاف اليها لغات اخرى ولا برمجة والسايت والصفحات مربوطة ببعض بطريقة استاتيكية اى كل صفة مربوطة بالاخرى وحنشوفها برضو اما الديناميك فهو سايت برضو معمول بلغة الاتش تى امل ال برضو ولكن مضاف اليها بعض اللغات الاخرى اللى حنتكلم عليها برضو ونفهم اكتر طيب علشان اكتب لغة الاتش تى ام ال اكتبها فين وازاى ؟ بص يا سيدى اولا هما زمان كانوا بيكتوبها ازاى قبل ما يعملو البرامج والكلام دة كلة كانوا بيكتبوها على النوت باد بتاعة الويندوز ويحفظ الملف بامتداد لغة الاتش تى ام ال لكن حديثا اووخرا من بعد عام 2000 بالظبط ظهرت برامج تحرير النصوص او التصميم اللى هى زى الفرونت باج مثلا والى اسمة اتعدل فى 2010 بقى اكسبريشن ويب وهناك برضو الدريم ويفر والنوت باد ++ وغيرهم من البرامج التى لا تعد ولا تحصى اطلاقا ممكن دلوقتى واحنا بنتكلم تلاقى شركة نزلت برنامج جديد للتصميم واؤكدلك انك حتعرف تشتغل علية باحتراف لية برضو ؟ اقولك لية علشان كلهم بيدعموا لغة واحدة واكواد واحدة وهى الاتش تى ام ال لازم كلهم يتكلمو نفس اللغة علشان الانترنت يفهم ان دة صفحة ويب فاكر فوق لما قلتلك فى وسيط الوسيط دة مش بيفهم غير اتش تى ام ال بس علشان كدة اى برنامج انتا حتستخدمة مش مشكلتنا خالص لان اى برنامج حيؤدى الغرض المنشود طيب احنا ان شاء الله تعالى حنطبق على الدريم ويفر لان شغلنا كلة حيبقى علية وكمان على الاكسبريشن ويب وعلى النوت باد طيب لية دة كلة بهدف انى اثبتلك ان كلهم فى الاخر واحد وكلهم حيؤدوا نفس الغرض طيب نبتدى على بركة الله اولا نقم بتسطيب نسخة دريم ويفر سى اس 5 او اى نسخة ونفتح البرنامج ونخش على اتش تى ام ال زى كدة  حتلاقى الصفحة وديتك لصفحة تانية خالص زى دية  لية بقى انا لازم اروح للكود علشان البرامج اللى زى دريم ويفر دة معمولة خصيصيا علشان تسهل عليك التصميم بمعنى ان كلة ويزرد مجرد دراج وضروب وطبعا الى بيستخدمها بيكون على علم باسيسيات الاتش تى ام ال واحنا لسا موصلناش للمعلومة دية فلازم نروح لشاشة الكود علشان نتعلم نكتب كود الاول وبعد كدة نشتغل ويزرد بقى الناس حتقول انتا كدة بتصعبها لا انا كدة بحطك على ارضية ثابتة الاول وبعدين نعمل الويزرد مش حتلاقى الموضوع صعب يلا نروح على شاشة الكود وحنلاقى كلام كتير كدة احنا مش فاهمينة طبعا نشيلة كلة علشان نكتب احنا بنفسينا الكود  ونبتدى نعرف اية هى اكواد الاتش تى ام ال الاساسية بقى؟ اول حاجة لازم اعرف ان اكواد الاتش تى ام ال بتتكتب بين وسم او تاج وسم بيتفتح ووسم بيتقل علشان المترجم يعرف انة دية البداية والنهاية طيب علشان اعرفة ان الصفحة دية اتش تى ام ال فقولة الكود التالى بيكتب كل كود الصفحة بتاعة الاتى تش تى ام ال هنا انا عملت تاجين اول واحد بيسمى تاج الفتح الكود يعنى بقولى خد بالك انة الكود اللى جاى دة يا مترجم كود صفحة ويب والمطلوب منك تقراءة كويس وتنفذة بعد كدة وطبعا لازم اى كود فتح يبقى له كود اغلاق الفرق بينهم هو وجود السلاش (/) بتبقى موجودة فى الاغلاق يعنى الكود انتهى اتفضل نفذ الكود طيب اكتب بين التاجين دول اية اكتب جواهم الاكواد بتاعة الصفحة بقى ممها كبروا او زادو اى اكود للاتش تى ام ال لازم تتكتب جوة تاجات اتش تى ام ال متفقين كدة تمام  لو عملت حفظ للصفحة كدة من غير ما كتب اكواد تانية سواء كنت على النوت باد او الدريم ويفر خعمل فايل ثم حفظ باسم واحفظ الملف بامتداد لاتش تى ام ال او اتش تى ام بس   طيب لو عملت حفظ للصفحةوجيت عملتلها رن بعد كدة حلاقى الصفحة طلعت بيضاء خالص لية طيب؟ علشان مفيش ؟ علشان مفيش كود مكتوب جوة الصفحة هو لما جية يشغل عرف ان دية صفحة انترنت علشان تاجات الاتش تى ام ال لكن ملقش كود مكتوب علشان يشغلة فطلعلك صفحة بيضاء  طيب تعالى نبتدى نعرف كود اتش تى ام ال بقى اول حاجة نتعلمها هنا ازاى تكت على الصفحة البيضاء دية كلام بمعنى انك تكتب وتلاقى الكلام طلعلك على الصفحة ودة مثال بسيط فقط بس ليس الا طيب علشان اكتب على الصفحة لازم اعرف الصفحة البيضاء دية اسمها اية فى اكواد الاتش تى ام ال اسمها بودى وبالتالى انتا لو عاوز اى حاجة تظهر فى الصفحة البيضاء دية لازم تضعها جوة تاج البودى دة وطريقة كتابتة ازاى برضو نقول كمان حنحط هنا الحاجة اللى انا عاوزها تطلع فى الصفحة سواء كانت كلام صورة اى حاجة نحطها جو تاج البودى لازم انا مثلا عاوز اكتب اسمى على الصفحة اروح كات الاسم بين التاجات اللى فوق دية زى الصورة  كذلك برضو لو عاوزاضع صورة اضعها جو البودى برضو وحنيجى لموضوع التاج بتاعهم برضو وحنشرحهم ان شاء الله كلهم لو عملت انا دلوقتى حفظ للصفحة على الكود دة كدة وروحت عملت رفريش للصفحة حلاقى الكود اشتغل معايا واسمى طلع على الصفحة فعلا الى هنا ينتهى الدرس الاول والى اللقاء فى دروس اخرى باذن الله تعالى فى رعاية الله :006: |
|
|
|
||
02-03-2012 19:21
|
Post: #2
|
|
Monster   Joined: 21-01-2008 Posts: 1,101 Country:  Awards: 
 
|
HTMLالدرس الاول من لغة درس رائع ومبسط |
|
|
|
|
Post: #3
|
|
|
Guest Joined: Today Posts: 0 Country:
|
HTMLالدرس الاول من لغة Originally Posted by Monster
ان شاء الله يا مونستر على طول باذن الله |
|
|
|
|
Post: #4
|
|
|
Guest Joined: Today Posts: 0 Country:
|
HTMLالدرس الاول من لغة تسلم ايدك
|
|
|
|
 Bookmarks |
||||
|
«
Previous Thread
|
Next Thread
»
|
|