دى قصة اتنين حبوا بعض على النت واتجوزا و اتطلقوا

الجزء الاول:جزء الحب

بعد التعارف و الكلام علي الاميل

حبيبى انت جيت
ايوة يا حبيبتى امال خيالى .. انتى مش شايفة اسمى اون لاين ؟ يبقى انا جيت
ده سؤال يا سوسو ؟

آسفة يا بيبي .. اصل فرحتى بظهورك طيرت عقلى
ها ...قوللى بقى
عملت ايه في الشات امبارح اما انا خرجت منه

معملتش حاجة ابدا
قعدت فى رووم اسمع اغانى

آه واظن الست دلوعة كانت موجودة

وحياتك كانت موجودة بس عملتلها بلوك

اممممممممممممممممممممممممم
يعنى مكلمتهاش

لا و حيات حبنا يا سوسو

ولا حتى هاى

لا هى سلمت عليا فى الروم قبل ما اعمللها بلوك و انا قلتلها برب و نفضتلها

اها
طب كويس
يا ريت تعمللها ديليت خالص من الليست

عينيه يا حبيبتى انتى تؤمرينى بس يا قلبي

مرسيه بجد يا بيبي بحبك اوي

الجزء الثاني:الجواز

و بعد الجواز قررو يكون ليهم روم لوحدهم في الشات

أخيرا يا حبيبتى اتجوزنا و اتقفلت علينا رووم واحدة

ايوة يا حبيبى أخيرا
بس مال الصوت بيقطع هنا ليه ؟

يا ستى واحنا هانعوز الصوت فى ايه
اعملى ميوت
هههههههههههههههههههههههههههههههههه

على رأيك

بقوللك ايه ؟

ها يا حياتي

عملتى باس وورد للروم , احسن نلاقى الناس جاية ورايحة علينا
اطمن عملت باس وورد طبعا و لا يهمك
بعدين انت بقيت آدمن البيت
يعنى اى حد مش على مزاجك
باند على طول يا بيبي

كان نفسي بدل اما نتجوز في روم في الشات

يكون لينا بيت

معلش يا سوسو انشاء الله قريب

خلينا متجوزين كدا في اي روم

انتى عارفه ازمه السكن

لكن روم الشات ايجاره رخيص

اوك يا بيبي اللي تشوفه

الجزء الثالث :الطلاق

انت يا زفت
زفت؟
ايون و مطين بطينه كمان

انتى بتقوليلي انا كدا يا بت

ايون حتعمل ايه يعني

بتخوني قدام عيني و بتكلم ساره و انت عارف اننا مش بنطيق بعض

يا بجحتك يا اخي

اعقلي يا وليه

ولية !!!

أنا ولية
كتك ضربه في قلبك

انت ناسى أد ايه حفيت عليا فى الروومات و الماسينجرات ؟
ان كنت ناسى افكرك يا خويا
و القطنه مبتكدبش

كان يوم اسود ياختى يوم ما عملتلك add
يا ريتنى كنت برب و لا ديس كونيكت مكنتش شفت خلقتك
ولا النت كان فاصل يومها
او الكومبيوتر كان ولع
ولا كنت شوفتك و اتعرفت بيكي
كان يوم اسود يوم ما شوفت خلقتك

نعم نعم نعم يا بابا
مالها خلقتى .. مش كنت بتموت عشان تشوفنى على الكاميرا
وكل شوية تقوللى فين الكاميرا
و بموت من غيرك يا قلبي و يا حياتي

كنت أعمى و أضبش و أطرش و أحول كمان......ارتحتي يا مدام

مدام؟ انت لازم تطلقني
يا خاين يا غدار
يخونك اللى بيننا؟

ده احنا بيننا روومات و هىء ومىء و دوت و كوم
يخونك الإنفيتات اللى كنت بابعتهالك عشان تبقى جنبى فى الروومات

خلاص نسيت الإيميلات و السهرات

انت أكيد فى مخك فيروس عاوزلك فورمات

بقى يرضيكم ياهووووووووو

ياخدنى أون لاين
يرمينى أوف لاين

منك لله

من النهاردة انت إنفيزيبل فى حياتى

لو راجل و عندك كرامه طلقنـــــــــــــــــي

روحي و انتى اجنور بالتلاته