مسابقة عرب تورنت لرفع الملفات

طبعا العنوان واضح جدا مسابقة لرفع الملفات يعني للابلودر المحترفين

انا مبعرفش اكتب توبيكات عشان كدة هكلمكم بالبلدي استحملوني شوية

المطلوب ان الي عنده كارت تسجيل من على الكمبيوتر أو عنده ريسيفر بيسجل على الفلاش ميموري يسجل اسمه هنا في التوبيك دا

وطبعا دا هيكون عشان نكون فريق ابلودر للتراكر يكون قادر على تغطية كل البرامج والكليبات والملفات بجميع انواعها الي بيسمح التراكر برفعها فيه وطبعا هي معروفة للكل

حد هيسأل طيب انا ليه اوجع دماغي في حاجة زي دي وكدة

ارد عليه انا وأقوله أبدا مش اكتر من انك تفيد غيرك وتستفيد من غيرك لان فكرة التورنت هي ايه اصلا هي تبادل ملفات انت بس بتاخد لكن مبتديش غير سيد لكن مفيش إضافة اتنسبت لإسم العضوية بتاعتك

ممكن حد يقولي طيب انا معرفش اعمل ملف تورنت او اي شيئ شبه الكلام دا

أرد عليه وأقوله بسيطة هنا فيه شروحات كاملة عشان تبقى ابلودر احسن من صاحب الموقع نفسه

حد يجي يقولي طيب انا معنديش سيد بوكس أو سيرفر أسحب بيه الملفات او اخزن عليه ملفات عشان ارفعها

أرد انا عليه وأقوله ان الإدارة هتوفرلك اكاونت سيرفر تشتغل بيه

واحد يجي يقولي طيب هو انا هفرق إيه عن اي حد مبيرفعش وشغال يحمل ويعمل سيد وبس

أقوله انا أولا بتزيد عدد نقاط وإلي فعلا هيثبت نفسه ويكون مميز هياخد رتبة اعلى من الي عليها يعني فيه ناس ممكن تستمر ودي بتاخد أبلودر

وفي ناس شغلها بسيط على قدها دي الإدارة ممكن تديها عضويات في اي بي

لكن طبعا دا كلو بيتحدد على حسب شغل كل واحد فيكم ونوع الملفات الي بيرفعها لكن طبعا الناس الي بتسجل حجات معينة من التلفزيون وتلتزم بيها وفي مواعيدها دول وضع تاني دول ماينفعش يكونوا غير ابلودرز في الموقع

وطبعا كل ما الملفات هتزيد كل الشغل ما هيحلو وكل واحد يحس بمجهوده الي عمله دا هيجني منه ايه وشكل عضويته جوا التراكر هتكون عاملة ازاي

هو الكل هيستفيد لكن دا ميمنعش ان روح المنافسة تكون موجودة بين الأبلودر

عشان الي هيتميز عن غيره أكيد هيكون احسن من غيره في التراكر