ازيكم يا احلى شباب فى الدنيا انهاردة احنا حنكمل على الجزء التانى ان شاء الله واللى كنا بدانا فى الشرح فية على برنامج الفيرشيوال ماشين واحب اوضح انى شرحت البرنامج بس بهدف انكم تتطبقوا الشرع على نسخة ويندوز غيلا اللى انتا شغال عليها علشان تتاكد مش الشرح وتطبقة لو عجبك البرنامج ممكن بعد كدة تسطبة عندك
طيب تعالوا نكمل على الجزء اللى فات احنا كنا وصلنا اننا خلاص نزلنا الويندوز وكل حاجة تمام لكن هناك مشكلة اية هى؟ ان الماس لما تخش جوة الفيرشوال مش بتخرج غير ب كنترول + الت طيب الحل اية حقولك حالا وبالصور
احنا كدة تمام الويندوز خلاص نزل
 

طيب حتدوس على حاجة فوق اسمها VM
 

ومنها ختدوس على حاجة اسمها Install Vmware tools

بعد كدة حتجيلك الرسالة دية توافق وتقولة install
 

حيبتدى هو يسطب البرنامج

هنا طبعا نيكست وتفضل ماشى كدة لحد ما حيطلب منك ريستارت وتعملة ريستارت بعد كدة حتلاقى الماس بتشتغل جوة وبرة عادى خالص من غير ما تدوس كنترول ولا الت نهائى

طيب نبتدى بقى على بركة الله نخش على برنامج انهاردة وهو برنامج من راى مهم جدا وسحرى ويمكن اغلبية الناس متعرفش استخدامة وهو Partition Wizard

فى ناس تقولك طيب واية الجديد دة برنامج تقسيم عاددى خالص وانا بقسم ب بارتيشن ماجيك بالويندوز نفسة وكذا وكذا دة موضوع مش جديد لا كمل بس معايا اونا حشرحلك حالا اية الفرق
كتير منا بيشترى لاب توب صح وياسلام بقى لو ربنا كرمنا ونجيب حاجة عليها ويندوز اصلى وريكفرى كمان والريكفرى بيكون ان الاب نغسة علية بارتيشن من الهارد مخصص لاسترجاع ضبط المصنع من الويندوز والتعريفات طيب حلو المشكلة بقى فين اقولك انا المشكلة بتبقى فى الهارد لو انتا مثلا جبتة هارد 500 جيجا حتلاقى ان السى 450 جيجا والبارتيشن التانى بتاع الريكفرى 50 جيجا طيب انا عاوز اعمل بارتيشن ثالث علشان احط فى الحاجة بتاعتى بعيد عن الويندوز علشان لاقدر الله لو احتجت ارمت او اعيد ظبط المصنع معلوماتى متروحش طيب اعملها ازاى بقى ؟ خد بالك فى اغلبية الاب توبات الشركات بتكون قافلة الميديا بتاعة الهارد بحيث انها بتجبرك انك تفرمت خالص او تستخدم السى زى مثلا الاتش بى والكومباك اللى معاة الابات دية حيصدق كلامى طيب حلها اية بقى
1- فى ناس تقولك انا حعملها من الديك مانجمنت واعمل شرينك للمساحة طيب ماشى هو حل بس ختلاقى نفسك برضو مضيع نصف المساحة على السى لان الشرينك بينصف المساحة وكمان حتلاقى الهارد بتاعك اتحول ديناميك مش بايزك ودة حيخليى لا يشوف الريكفرى بتاع الويندوز ولا الداتا صح اساسا ودية حنشرحها بعدين فى كورس ال Mcse 2003 ان شاء الرحمن
2- فى ناس تقولكانا حستخدم البارتيشن ماجيك خد بالك الماجيك ساعات ميعرفقش يقراء القطاعات بتاعة الاتش بى ويحول البوت بدل ما هو على السى يخلية على الدريف الجديد اللى حضرتك كريتة وبالتالى لا تلاقى ويندوز ولا ريكفرى

3- فى بعض الابات بتلاقى الريكفرى على السى والويندوز على سى برضو طيب تخاف انك لو عملت اى طريقة من اللى فوق دول تبوز حاجة صح
لا غلط عارف لية ؟ اقولك انا لان الريكفرى مبيكونش على السى بيكون فى بارتيشن مخفى معمولة هيدن فى الماجيك وغيرة احتمال ميشوفوش وانتا بتاخف تعمل اعادة تصحيح وفى ناس اصلا تقولك انا امسح النسخة واجيب تعريفات واقسممخصوص على مزاجى انا بقى

لا من النهاردة الكلام دة كلة بح فنيتو نشرح بقى برنامج الفسحرى فى حل كل هذة المشاكل وخد بالك الموضوع مش لاب توب بس لا دة انتا ممكن يكون عندك هارد فى الديسك توب كن مديلة مساحة كبير لبرامج كتيرة وفاجاءة احتجتها وعاوز تفصلها عن الويندوز لية تفرمت وتنزل ويندوز والكلام دة كلة تانى

نبدا على بركة الله اسم البرنامج بارتيشن ويزرد واللينك بتاعة اهو
http://www.mediafire.com/?bepp1bo5f38gnh9

هو فرى يعنى مش محتاج تسجيل
طيب حسطب الببرنامج عادى جدا
 

 

تفضل تقول نيكست وتسيب كل حاجة زى ما هى
طيب كدة احنا خلصنا تسطيب الايقونة حتكون زى دى بالظبط
 

ندوس عليها ونخش نشوف بقى ازاى نستخدمة
 

البرنامج فتح تمام وشاف الهاردات كلها اللى عند الظاهر منها واللى مش ظاهر كمان طيب نشرح بقى هو هنا بيقولى هارد 30 جيجا تمام وانا قصدت انى انزل عليهم كلهم الويندوز علشان يكون مثال لنحيتين لناحية الاتوب زى الشركات وللناس اللى عاوز تعيد تقسيم الدريف بتاع الويندوز من غير ما تفرمت
هو هنا شايف السى اهوة علية 30 جيجا وفى مساحة كدة تحت لونها رمادى دى سبها ودية بتكون مساحة البوت بتاع السيستم ملكش دعوة بها
نقف على السى ونعمل ريت كليك (كليك يمين يعنى(

 

حلاقى فية اختيارات كتيرة اختار اول اختيار اللى هو Move/Resize

 

حيفتحلى الشاشة دية هنا بقى العب كلة الدريف كلة 30 جيجا طيب انا عاوز اقلل مساحتة شوية حتعمل حاجة من الاتنين
ياما تيجى على السهم من ناحية اليمين وتقعد تشدة لناحية الشمال وتقلل المساحة براحتم زى ما تحب عاملة زى فكرة المطاط شوية وانا بصراحة مش بحبز الموضوع دة
ياما تنزل على حاجة اسمها partation size
وحتلاقى الارقام مكتوبة امسح الرقم واكت المساحة اللى انتا عاوزة يكون عليها مثال انا هنا مثلا 30710.16 دى المساحة بتاعتى انا عاوز اقللها حعمل اية حاجة على الرقم اللى قبل البوينت وامسحة كلة واكتب 5000 لانى طبعا انتوا عارفين انالجيجا فيها 1024 والكلام دة
 

طيب تمام كدة خلاص دوس اوكى وكدة تمام
مش ملاحظ حاجة المساحة الرمادى اللى كانت 8 ميجا بقت 25 جيجا
 

لانة خد المساحة اللى حضرتك شلتها وزودها علىيها
طيب انا عاوز اعمل المساحة ديى بارتيشن بقى علشان احط علية الداتا بتاعتىى اقف علية وكليك يمينحتلاقى حاجة اسمها create
 

حيفتحلك ويند ويقولك عاوز تاخد المساحة دية كلها طبعا انا هنا بقولة كلهالو عاوز تحدد منها جزء وترجع تعمل منة بارتيشن تانى براحتك
 

طبعا حتسيب كل حاجة زى ما هى وتقولة اوك بس لانك حتاخد المساحة كلها
طيب كدة تمام بقى عندك الاتنين الويندوز البارتيشن التانى اللى انتا عملتة طيب مفيش حاجة حصلت لية لانك متدوستش تنفيد الاوامر بقى
 

حتلاقى عندك على الشمال تحت كدة حاجة اسمها operation pending

تنفيذ الاوامر بمعنى انة بيستقبل منى جميع الاوامر ويطبقها كلها فى وقت واحد حتلاقى تحتيها اختيار بيقولك apply &undo
ابلاى او نتا خلاص مواقف واندو يعنى متعملش حاجة واقف مكانك
طبعا هنا حندوس ابلاى
 

حيقولك انفذ خلاص قولة اة تمام نفذ

 

حيقولك طيب انا علشان انفذ لازم اعمل ريستارت واشتغل من الدوس اقولة تمام ريستارت
حيعمل ريستارت وبعد ما يفتح وتيجى شاشة الدوس والنسخة الوينوز والشعار بتاعها حتلاقية مش حيخش لا دة حيخش على البرنامج ويبتدى يطبق بقى الاوامر بتاعتة
 

هنا هو لسا بيبتدى لازم تسيبة لجحد ما يخلص خالص يبقوا الثلاثة 100%

 

 

هنا هوة بيقولك كدة خلاص تمام انا ظبط الهارد وحعمل ريستارت من نفسة

نستنى لما يفتح بعد كدة الويندوز عادى خالص
 

بقى فعلا عندى اتنين درايف واحد ويندوز ومساحتة 5 جيجا والتانى فاضى ومساحتة 25 جيجا
 

 

كدة يا جماعة تم بفضل الله الفصل دون اى مشاكل واتمنى انى اكون قدرت اشرح كويس وبالتفصيل علشان كلة يفهم بسهولة
ليا بس بعض الملاحظات اثناء العمل
لو حتشتغل على لاب خليك موصلة دائما بالكهرباء والبطارية فى ناس تقولى دة غلط حقولك معلش بس اثناء التقسيم فقط ياسيدى علشان ممكن وانتا شغال تلاقى الكهرباء قطعت والهارد مكنش خلص يبقى البطارية تقوم معاك بالواجب ولو البطارية فضيت مثلا الكهرباء تقوم بالواجب علشان الهارد بتاعك ميفصلش ويبوز

انا مشرحتش حتة الديناميك والبازيك لانى حشرحها ان شاء الرحمة فى كورس Mcse 2003
وحنعرف اية الدايناميك والبازيك والاسكازى والسيرفرت لو الادارة سمحتلنا بالموضوع دة طبعا

اتمنى انى اكون وفقت فى الشرح واى استفسار انا موجود سواء على العام او الخاص او الايميل

السلام عليكم ورحمة الله وبركاتة