بعد السلام والتحية الطيبى لاعضاء التراكر الكرام قررت ان اول موضوع ليا انهاردة حيكون عن شرح برنامج مهم جدا لينا كلنا ممكن اغلينا يكون عارفة واغلبنا لا علشان كدة قررت شرحة لاهميتة واللى حيساعدنا بعد كدة فى السلسلة اللى انا ناوى اعملها هنا ان شاء رب العالمين تعالى البرنامج هو VMware Workstation

وهو برنامج لعمل جهاز وهمى داخل جهازك بمعنى انك حتستخدم جهاز تانى من جوة جهازك بالظبط فكرتة بسيطة جدا ومش معقد اطلاقا النسخة اللى انا حشرح عليها هى نسخة 6.0 طبعا انتا ممكن تخمل اى نسخة والشرح واحد اساسا نبتدى على بركة الله

اولا بعد تسطيب البرنامجوتسجيلة وهو بيكون معاك الكراك والسيريال وطبعا انا مستعد ارفعة هنا او ابعت لينكات عنة لانى معرفش دة مسموح بة هنا او لا المهم حتفتح البرنامج حتلاقى وجهتة
 

بعد كدة حندوس على New virtual Machine
تظهر لينا الويندوا دية وحنكمل عليها اسيب اول حاجة زى ما هى تبيكال
 

وبعدين هنا بيقولك انتا عاوز تنزل نظام التشغيل تحب يكون اية اللى انتا تنزلة البرنامج بيدعمكتير من انظمة التشغيل المعروفة والسهلة لكن للاسف مش بيدعم ماك
طبعا انا حنزل مثلا ويندوز اكس بى
 

طيب بعد كدة هو حيعمل اية هو حينزل الويندوز عندك على هارد جديد لا طبعا هو بينشئ هارد وهمى وملفات وهيمة لة هو طيب الملفات والهارد دة حيتحفظوا فين ؟ هو حيسالك على طول فى الويندة اللى بعديها اللى هى دية تحب تشيل الحاجة فين؟ اختار اى مكان انتا تحبةاو بمعنى ادق اختار المكان اللى عندك فية مساحة وحقولك لية بعدين
 

خلاص اخترت تحفظة فين طيب نيجى بقى لنقطة مهمة مش دة جهاز كمبيوتر كامل طيب يعنى لازم تخش بة على الانترنت يبقى حيقولك عاوزة ياحد الانترنت بتاعة منين وهنا فى الويندو دية سيبها الاختيار الاول عادى لان باقى الاختيارات حنشرحها بعدين
 

بعد كدة حنيجى لموضوع مهم جدا وهو الويندوز حينزل على الهارد طيب مساحة الهارد دة بتيجى منين
حشرهلك بالتفصيل فعليا هو مش بيعمل حاجة جديدة لا دة بيروح على المكان اللى اخترت من الاول انة يشيل ملفات النسخة وملفات الهارد بتاعتك فاكرة اللى انا قلتلك علية اختار المكان اللى عندك فية مساحة ويعمل ايةبقى يحجز المساحة اللى انتا حتختارها دلوقتى يحجزها لية هو يقولى سيكتورس المساحة دية لفيرشوال ماشية دية وبالتالى انتا ممن تحفظ علية اى داتا لانها اصلا محفوظة على هاردك انتا فى ناس تفتكر انة فلاشة لو واخد كوبى من نسخة الهارد دية والهارد بتاعة باظ لاى سبب ممكن يسترجع البيانات عن طريقها والكلام دة مش صح
 

بعد ما اخترت خلاص مساحة الهارد مثلا انا اخترتها 8 جيجا لانى حنزل ويندوز اكس بى لكن لو حتنزل ويندوز 7 لازم تختار مساحة اكبر شوية
حتجيلك ويندو حتقفلها وخلاص كدة حتلاقى الويندو دية
 

فعيا كدة انتا خلصت ودى مواصفات الجهاز اللى حضرتك اخترت تكونة الرامات والهارد وهو بيحتلك كارت الصوت والسى دى والدفيدى وكل حاجة هو بيركبهالك افتراضيا والحقيقة مفيش اختيارات فيهم اساسا طيب حتقولى انا مخترتش الرامات وعاوز اعدلها ازود فيها او اقللها حسب رامات جهازك برضو لانة فعليا بياخد منها برضو نفس فكرة الهارد بالظبط
حتدوس على حاجة اسمها Edit virtual machine
حتلاقى كل امكانيات الجهاز قدامك تعدل فيها زى ما انتا عاوز او محتاج الرامات والهارد والدفيدى وكل حاجة
نيجى هنا للنسخة الويندوز طيب فى جهازى انا مكن احط السى دى وابوت منةهنا بقى حعمل اية نفس الحكاية برضو او حل تانى لو انتا عاوز تحط السى دى وتبوت من السى دى روم بتاعك حتحط السى دى فية وتدوس على سى دى روم اللى هى فى الصورة دية
 

حتلاقى كتوب انة حيستخدم الفيزيكال درايف وتختار اسم السى دى روم بتاعك من السهم وهو حيبوت منة عادى جدا وتدوس اوك وبعد كدة ستارت الفيشروال ماشين عادى
طيب فى ناس تقولك انا معايا نسخة ايزو وعاوزة يبوت هو منها على طول من نفس الاختيار حتختار Use Iso Image
وتعمل براوز وتختار النشخة واوك برضو واستارت الفيرشوال ماشين عادى جدا
حيفتح حتلاقية بيبوت من النسخة وحيبتدى مراحل التسطيب عادى جدة كانة جهاز بالظبط
 

طيب كدة هو حيستخدم كل حاجةهل برضو حيستخدم الماوس والكيبورد هنا السؤال بقى ؟
اة طبعا عادى جدا بس خد بالك اول مرة بتسطب فيها النسخة هى بس اللى حتواجهة فيها الكلام اللى انا حقولة لما توصل مثلا لمرحلة انك بتختار البارتيشن ونوع النسخة حتدوس دبل كليك على نصف الشاشة فى البرنامج حتلاقى الماوس اختف وبقت جوة تقدرتستخدم ساعتها الكيبورد عادى لانة فهم انك دخلت جوة البرنامج طيب عاوز تخرج تانى حتدوس على زرارينف نفس الوقت
ctrl+alt
حتلاقى سهم الماوس طلعلك برة تانى ودة معناة انك تقدر تستخدمة برة عادى
حتقولى انا حفضل كدة على طول حقولك لا بمجرد ما تنتهى من التسطيب حتنزل برنامج علشان يخلى الماوس يتعامل جوة وبرة براحتة جدا من غير ما تدوس على حاجة
اعرف منين انى لازم ادوس على الزراير وانى لسا مسطبطش البرنامج حقولك بص تحت فى اخر التول بار حتلاقى الصورة دية
 

كدة انتا لازم تستخدم ctrl+alt

كدة الجزء الاول من الموضوع وان شاء الرحمن انا عامل سلسة فى الموضوع دة مع شروحات للبرامج لو عاجبكوا اكمل ان شاء الله
الهدف من البرنامج يا جماعة هو انك ممكن تستخدمةككجهاز كامل علشان الفيروسات مثلا من الانترنت او صعب ان حد يعرف ماكيك الحقيقى لانة حيكون وهمى اساسا فكدة مش حيعريهكر عليك انك لز عاوز تستخدم ويندوز7 على جهازك وبتحتاج برامج التحويل والترجمة والاعدادات بتعتها ممكن على الاكس بى من غير ماتنزل نسخة تانية على الهار والرامات وتبقى شغال على الاتنين فى نفس الوقت من غير ما تطفئ وتولع تانى وهكذا

انا عامل الموضوع تجربة لو نجحت حكمل اكيد طبعا كلة متوقف عليكوا وعلى مدى نجاحى فى موضوع الاول
بعتذ على عدم رفعى الصوركلها لان كدة الموضوع حيتقل من كتر الصور بس
الف شكر لكم واتمنى انى اقدر افيدكم
السلام عليكم ورحمة الله وبركاتة

تسلم الايادى

يا ريس

استمرررررررر