الدرس الرابع
ان شاء الله سنتحدث هنا عن العنوانة او العنواين كنت وشرحتها قبل كدة فى الملف الاول بطريقة الفيديو على اساس انها مجموعة من العنوان اقدر استخدمها كخطوط او عنواين لانها بتدينى خطوط باحجام مختلفة وتخينى وبالتدريج لكن ومع ان دة صح لكن فعلا هو مش صح قوى لية لانها عنواين فعلا بمعنى انك لو عندك موضوع كبير وعاوز تقسمية الى اجزاء مثلا فالموضوع ساعتها حينفع معاكى
لانة بيبداء الموضوع بخط كبير وبعد كدة يقل يقل يقل الى حد ما يوصل يبقى خط عادى وطبعا انتى بتحطى الاعلى اهمية فى الاول ثم الذى يلية فى الاهمية ثم الذى يلية وهكذا بقى تعالى طيب كدة نشوف لو انا استخدمتها كفرق فى الخطوط اية اللى حيحصل؟
 

انا هنا كتبت موضوع مثلا وقلتلة استخدم الهيدنج واحد واربعة علشان اشوف فرق الخطوط بي تعالى نشوف بقى هو حيفرق فى الخطوط ؟
 

اة فعلا فرق فى الخطوط اهوة دة شئ هايل وجميل لكن لية بقى مينفعش انى استخدمة كدة مع البرنامج ولا الكود اعترض؟
1. اولا لانك لازم تستخدم العنواين فى العنونة بس مش كخطوط لتكبير الخط او تخنة
2. لان محركات البحث زى جوجل وغيرها بترتب موقعك طبقا لعنواين موقعك بمعنى انك عامل صفحة على الانترنت بعنوان كورسات تعلمية مثلا فجوجل بترتب الصفحة عندها حسب عنواين الصفحة الكورسات ، اماكنها، اسعارها وهكذا فانت لو استخدمتها فى الخطوط وزى ما انا عملت فوق ومش بترتيب يعنى استخدمت هيدر 1 وبعدين اربعة وبعدين 2 المحركات البحث حتتلخبط فى ترتيب الصفحة وبالتالى لو جة عميل عمل بحث على منتج معين ولوكان عندك مش حيطلع فى محركات البحث لانة مش مترتب صح وعلشان كدة بيقولك استخدم العنواين فى العنونة فقط
3. فى حاجة بتسمى النظرة الاولى للعميل بمعنى ان العميل لما يخش على موقعك ويلاقى الموقع منظم ومترتب العنواين بارزة وحسب اهمية الموضوع بيكون اجمل ودة بيكسب الموقع اهمية عند العميل
4. رابعا واخيرا راعى الترتيب فى العناوين وان الاعلى بيكون ذو اهمية عاليا والاخير بيمثل اهمية سفلى ودة اللى بيميزة هيدر 1 وهيدر 6 والباقى بيكون حسب اهميتة من الاعلى الى اسفل او العكس
طيب نتكلم عن جزء اخر فى الدرس دة وهو Html lines
ازاى اعمل سطر فى الاتش تى ام ال ، مش سطر اكتب علية لا مجرد سطر تحت العنوان بتاعى او سطر تحت موضوع معين او جملة معينة اى ما كان استخدامى لها كلة بيرجع الى تصميمى انا للصفحة ومدى رؤيتى لها
علشان اعمل سطر اكتب التاج دة ودة علشان يعملى خط على سطر كامل مش مكان معين لا سطر كامل حضرتك تعالى كدة نشوف مثال على سطر كامل تحت عنوان او جملة او كلمة براحتك

 

طيب تعالى نشوف النتيجة كدة

 

طيب حنتكلم عن موضوع تانى مهم وهو Html Comments
بمعنى اية بقى ومش كل الناس حتفهمة دلوقتى لكن حتفهمةا بعدين وهو الكومنت واللى هيفهمة دلوقتى الناس المبرمجين بس، كتير منا ودة حيحصل ان شاء الله لما تشتغل فى تيم ورك وتبتداوا الشغل فى اكتر من سايت وتلاقى نفسك مسؤل عن جزء معين فى السايت دة ومطلوب منك تسلم لزميلك علشان يكمل علية بعد شغلك انتا شغلة هو بقى ودة اللى بيحصل فعليا فى الشركات مفيش حد بيكون مسؤل عن كل شئ من الالف الى الياء لا بتمشى اجزاء لان كل واحد بيكون متخصص فى حاجة معينة طيب اية برضو الكومنت دة ، دة يا سيدى بيكون كلام مش بيظهر للعميل ولا المتصفح بيظهرة لكن بيبان فى كود الاتش تى ام ال هدفة انك بتكتب انتا عملت الكود دة لية او اية فائدة منة او نك بتذكر نفسك بة او بتساعد اللى حيشتغل بعضك لمعرفة هدف الكود ولو انتا عاملة لسبب معين وجوهرى علشان لما يجى يشتغل بعدك يكمل صح على شغلك مش يشتغل عكس شغلك
طيب بيتعمل ازاى الراجل الطيب دة؟
دة ياسيدى بيتعمل عن طريق افتح تاج واحط علامة تعجب وبعديها اتنين داش واكتب الكومنت واحد اتنين داش برضو واقفل التاج بعد كدة

 

طيب تعالى كدة نشوف النتيجة اية حيظهر الكومنت ولا الكود بس؟
 

طيب انا بقى لو عاوز اعرف الكومن اذا كان موجود ولا لا اعمل اية؟
يا اما افتح الصفحة على برنامج تحرير مواقع واشوف تصميمها وطبعا لازم تكون عندى الصفحة الرئسية يعنى اللى زميلى عاملها مش انزل اى صفحة من على النت وافتحها لا لانك ببساطة مش حتلاقى حد عامل كومنت لانها بتكون فى صورتها النهائية اما الصفح اللى بتكون فى الشغل بنكون عاملين عليها كومنت لاننا بنتدولها كلنا وبنكمل بعض
فاما تفتحها عن طريق برنامج محرر صفح او من اى متصفح انتا علية تعمل كليك يمين اوتعمل View source or view page source

 

وبعدين حلاقى المتصفح فاحلى صفحة فيها اكواد الاتش تى ام ال بتاعتى وحلاقى فيها الكومنت على طول

 

وبكدة نكون قد انتهينا من الدرس الرابع

فى رعاية الله وامنة