نكت 2011

واحد بلديتنا .. ركب مع تاكسي، ركب مراته قدام علشان السواق ما يبصلهاش في المراية.

صاحب محل دخلت عنده وحده حلوه وكل شوية تقول له : بكام ده يا حج ... بكام ده ياحج .... فزهق منها و قالها : شوفي انا ماحجيتش لكن عملت عمرة .. يعنى ممكن تقوليلى بكام ده ياعمرى.

مرة واحد مسطول قاعد بيحشش مع مراته لغاية ما نسيوا نفسهم وفجأة حد خبط عليهم فقامت مراته قالت جوزى فقام جوزها ونط من الشباك.

واحد كريم أتحرق بيته لما جت المطافى حلف عليهم ما يعملوا حاجه لحد ما يشربوا القهوة.

واحد عنده بيتين واحد ساكن فيه والثاني احتياطى عارفين ليه ؟ علشان لو حد قال له يخرب بيتك
يروح يسكن في البيت الثاني.

واحد صعيدى وقع على السلم فراح للدكتور وكشف عليه فقاله اشترى المرهم ده وحطه فى مكان الوقعة راح الصعيدى ودهن السلم.

مرة حلاق و ابنة بيتفرجوا على متش كورة فقال المذيع :وشطها بمشط
رجلة و جت فى المقص فقال ابن الحلاق : بابا دول بيلعبوا فى العدة.

واحدة جبانة قوى كل يوم وهي نايمة جنب جوزها تقوله الحق يا عبده أنا سامعه
صوت فى حرامى فى البيت جوزها تعب قوى مش عارف ينام وكل يوم على كده
قام قلها ياستى ماتخافيش الحرامى لما بيروح يسرق ما بيعملش صوت تانى يوم
صحته من النوم الحق يا عبده أنا مش سامعه صوت فى حرامى فى البيت.

واحد ركب اوتوبيس شاف واحده قاعده راح بصلها فبصتله
ضحكلها ضحكتلو غمزلها غمزتلو راح شاورلها على المحطه فنزلت ....راح قعد مكانها.

واحدة خلفت طفل عنده عيب خلقى شافته ماتت ابوه جه حكولو فطلب يشوفة لقى طفل بدون رجلين قال دة ابنى قاله الدكتور لا ابنك حالته اصعب لقى واحد بدون ايدين ورجلين قال ده ابنى قاله لا ابنك حالته اصعب لقى واحد راس بس قال ده ابنى قاله لا ابنك حالته اصعب لقى واحد عنين بس قال ده ابنى قاله اه قعد يلعبه قاله متتعبش نفسك مبيشوفش.

تلاته عمالين بيحششوا فى مزرعه فراخ طب عليهم البوليس استخبوا فى تلات شوله جه الظابط
شاط الشوال الاول برجله قام الحشاش الاول عمل نفسه بط و قعد يكاكى
راح الظابط سابه و راح عالشوال التانى و شاطه قام الحشاش اللى جوه قعد يدن و يقلد صوت
الديك الظابط سابه و راح عالشوال التالت برضه شاطه برجله الحشاش التالت متكلمشى..شاطه
تانى بس بالجامد برضه متكلمش قعد الظابط يخبط فيه طلعله الحشاش يقوله.. بطاطس.. بطاطس
انت مبتفهمش.

مرة اتنين ماشيين ف الصحرا... طلع عليهم اسد... راح واحد منهم رمي عليه
طوبة وطلع يجرى... وبص وراه لقي صاحبه واقف ما بيجريش... قال
له مش بتجري ليه؟ قال له واجري ليه؟ هو انا اللي ضربته؟؟؟؟؟

بخيل واقف فى البلكونة... ابنه جاى من بعيد يقول له بابا بابا بابا ... قاله:
يا ابن الكلب بابه واحده كفاية.

سودانية لبست فستان أحمر وقالت لزوجها دلعني
قال لها: يا فحم إنت يا مولع !!

واحد راح محل للهدايا علشان يشتري هدية..عجبته هدية معينة..سأل البائعة قال بكام ديه؟
قالت ب1000 جنيه..قال لا غالية..ممكن تخليها ب500 و اديكي موبايلي ؟؟ قالت موافقة
قالها طيب هاتي الهدية و خدي ال500 جنيه اهم..قالت فين الموبايل..قالها 0100000000000

مرة تلاته واحد امريكى وواحد صعيدى وواحد فرنسى راكبين طيارة جت المضيفة وسالتهم لو عايزين حاجة الامريكى قالها عايز مانجه يامانجه والفرنسى قالها فراولة يا فراولة والصعيدى قالها عايز لبن يادموسة !!!!

في ثلاثة مساطيل الاول قال : شوفوا يا شباب انا عندي فلووس اقدر اشتري بيها
امريكا الشماليه كلها و الثاني قال : وانا عندي فلوووس اقدر اشتري بيها امريكا الشماليه
والجنوبيه رد الثالث: ومين اللي قال اني هابيع.

مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت.

مرة واحد راح يخطب واحده، باباها قال له بس البنت لسة بتدرس، قال له خلاص اجلها في الفسحه.

مرة اتنين أغبية طالعين رحلة فالسواق نزل استراحة ورجع لقى الفتيس مش موجود قالهم الفتيس راح فين...قالوله لقينك يا عم طول الطريق عمال تشد فيه مش عارف تخلعه قولنا نشلهولك.

مرة ندل ماشى مع واحد صاحبه قاله ارهنك على كام ان اللى ماشية مع الراجل هناك دى اسمها فوزية قاله وانت عرفت ازاى قاله اصلها مراتي.

مرة واحدة بتقول لجوزها: تعالى ودينى المستشفى .. ماما هناك وعندها حالة تسمم ... راح قايلها : لازم عضت لسانها بالغلط .

عريس بيقول لعروستة لازم تعرفي ان كلمتي في البيت زي الساعه بصتلو بنظرت غضب...قالها يعني لا بتقدم ولا بتأخر.

واحده وحشه قوى بتقول لجوزها يا رااااجل مش تصلح شباك الحمام علشان وانا بستحمه الجيران مايشوفونيش قالها: خليهم يشوفوكى علشان يصلحوه على حسابهم.

لعيب كورة بيسأل مراته إذا كانت خانته قبل كده ولا لا فقالت له : بصراحه (3) مرات بس، الاولى: فاكر لما المدرب ماكنش بيرضى يلعبك وبعدين بقى يلعبك!قالها: طب تاني مره ؟ قالت له: فاكر لما زمايلك ماكانوش بيباصولك الكوره وبعدين بقو يباصولك!! قال لها : طب تالت مره؟؟ قالت له : فاكر الجماهير لما ماكانتش بتشجعك وبعدين كلهم بقو يشجعوك.

سألو واحد بخيل طحن: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله.

عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!

عملوا مسابقة لتعجيز الكمبيوتر كل ما حد يسأله سؤال يجاوب عليه فى اقل من دقيقة جه واحد صعيدى حط ورقة فيها السؤال بتاعه الكمبيوتر اتحرق وطلع دخان قالوا له : سؤالك كان ايه بلدياتنا : جلت له ابو جردان جبل ما يخلف جردان كان اسمه ايه؟؟؟

سالو القذافى لية حرسك كلة ستات رد وقال اليس وراء كل رجل عظيم امراه.

بيقولك جمال عبد الناصر والسادات ومبارك اتقبلوا فجمال قال انا مت بالسم والسادات قال انا بارصاص قالوا لمبارك وانت قالهم انا فيس بوك.

محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام.

صعيدى قاعد مع خطيبتة فى الكازينو اتقطع الكهرباء قالتلو يللى انتهز الفرصة قام هرب من غير ما يدفع الحساب.

مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف.

واحد سافر مع سكرتيرته، وملقوش بالفندق غير غرفة وحده. ولما جه وقت النوم قال لها :
عايزانى أنام معاكى كسكرتيرة ولا كزوجة؟

قالت: ياريت كزوجة!

..اداها دهره ونام!!

تسلم ايدك
مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف